اسلام آباد: وزيراعظم شهبازشريف اسلام آباد کښې د جناح سکوئر مري روډ انډر پاس سنګِ بنياد ايښودې دې، وزيراعظم وئيلي دي چې شريک کوششونو په نتيجه کښې د پاکستان معيشت مستحکم شوې، او ملک د ترقۍ او خوشحالۍ په لور روان شويدې ۔
اسلام آباد کښې د جناح اسکوائر مرې روډ انډر پاس منصوبې پرانستې دستورې ته خطاب کښې وزيراعظم شهبازشريف اووئيل چې اسلام آباد اوس د ترقي، ښکله او سهولتونو ښار جوړيږي، اسلام آباد کښې توسيع و تزئين منصوبې جاري دي، ټريفک بهاؤ کښې واضحه کمي راغلې ده ۔
وزيراعظم اووئيل چې دا نۀ شهبازسپيډ دې، او نۀ محسن، بلکه دا پاکستان سپيډ دې، محسن نقوي به دا منصوبه شپيتۀ ورځو په ځائې صرف پنځه ديرش ورځو کښې مکمل کوي، شريک کوششونو په نتيجه کښې الله تعالې د پاکستان ريټنګ بهتر کړېدې، نړيوال ايجنسي فچ د پاکستان آؤټ لک ټرپل سي د بي مائنس کښې بدل کړېدې ۔
هغه اوئيل چې اوس ملک د ترقې او خوشحالې په سفر روان شوېدې، څنګه چې بهر پور قوت، اعتماد او قوت ارادې سره ټيم د پاکستان مشکلاتو مخې کړې هغه شان به د ترقې سفر مخ په وړندې بوځو ۔
