د پیښور هائيکورټ چیف جسټس سید محمد عتیق شاه د سانحه سوات خلاف دائر رټ پټیشن باندې سخت نوټس اخستیې او چیف سیکرټري پشمول ډویژنل کمشران او نور متعلقه افسران ئې سبا عدالت ته طلب کړېدي، چیف جسټس سوال کړې چې سوات پيښه کښې قيمتي ځانونه د چا د غفلت لوجې اوبو لاهو کړېدي ۔
د سانحه سوات خلاف دائر رټ پټیشن سماعت په وخت چیف جسټس سید محمد عتیق شاه اووئیل چې عدالت ته وئیلي شوي چې په سوات سيند کښې د چا د غفلت لوجې بے ګناه خلق شويدي ۔
ایډوکیټ جنرل شاه فیصل اتمانخیل عدالت ته وړاندې شوې او وئیلي دي چې د سندونو او دریابونو په غاړه جوړ کړې شوي تجاوزاتو خلاف یو کیس سپریم کورټ کښې هم زېر سماعت دې، صوبائی حکومت حفاظتی اقدامات پورته کړيدي ۔
عدالت ته ډي جي ریسکیو او د نور محکمو افسران هم وړاندې شوي، د درخواست ګزار وکیل عدالت ته وئیلي چې صوبائي حکومت او حکومتی ادارو د غفلت لوجې قیمتی ځانونه ضائع شوېي دي ۔
چیف جسټس سوال کړې چې دریابونو په غاړه حفاظتی اقدامات د چا ذمه واري ده؟ د درخواست ګزار وکیل عدالت ته وئيلي چې پی ډی ایم اے ، چیف سیکرټري ، لوکل ګورنمنټ او ایرېګیشن ډیپارټمنټ ذمه واري ده ۔
چیف جسټس پښتنه کړې چې ډویژنل کمشران ولې نۀ دي راغلي؟ ایډوکیټ جنرل جواب ورکړې چې د هغوې حاضري به باوري کړې شي ۔
ایډوکیټ جنرل عدالت اووئیل چې تجاوزاتو خلاف آپرشن شروع کړې شوې، ټوله صوبه کښې دغه آپرشن روان دې، پیښور هائيکورټ ایډوکیټ جنرل پشمول متعلقه ادارو او افسرانو ته تیاري سره د راتللو حکم ورکړی او نور سماعت ئې ترسبا ځنډولې دې ۔
