د بلوچستان په مستونګ ضلع کښې ترهه ګرو په بازار حمله کړې چې پکښې يو کس پحق رسيدلې او نور اووه کسان ژوبل شويدي، سيکيورټي فورسز جوابي کاروائۍ کښې دوه ترهه ګر وژلي شوي او درې ژوبل شويدي، ترهه ګرو حمله کښې يو شمير ګاډي او بينک پشمول بعضې نورې سرکاري ودانۍ سوزيدلي دي ۔
ضلعي انتظاميې مطابق د بهارت مرستيال ترهه ګرو د مستونګ مرکزي بازار باندې حمله کړې او دې دوران دهماکه شوې او ډزې ئې هم کړېدي ۔
ضلعي انتظاميې وئيلي چې د ترهه ګرو ډزو کښې شپاړس کلن ماشوم پحق رسيدلې او نور اووه کسان سخت ژوبل شويدي، څوک چې هسپتال ته رسولې شويدي ۔
د ترهه ګرو حملې فوري پس سيکيورټي فورسز مستونګ بازار ته رسيدلي او ترهه ګرو سره ئې مقابله شويده ۔
د سيکيورټي فورسز جوابي کاروائۍ کښې دوه ترهه ګر وژلي شوي او درې ژوبل شويدي ، يو ترهه ګر ژوبل حالت کېښ نيولې شوې هم دې ۔
د بلوچستان حکومت ترجمان شاهد رند وئيلي چې ترهه ګرو سره مقابله کښې ايف سي، سي ټي ډي او ليويز برخه اخستې ، د فورسز جوابي کاروائۍ نه پس ترهه ګر په تيښته مجبوره شويدي ۔
