چيف آف ډيفنس فورسز فيلډ مارشل عاصم منير بهارت او افغانستان ته سخت پيغام ورکړې، او وئيلي دي چې افغان طالبانو سره د پاکستان يا ترهه ګرو کښې د يو د انتخاب نه بغير بله لار نيشته، پاکستان يو امن خوښې ملک دې، چيف آف ډيفنس فورسز دا هم وئيلي چې بهارت دې د خودفريبۍ ښکار نۀ وي، بل ځل به د پاکستان جواب نور زيات سخت وي ۔
پنډۍ: جنرل هيډ کوارټر پنډۍ کښې د پاک افواج افسرانو ته خطاب کښې چيف آف ډيفنس فورسز فيلډ مارشل عاصم منير وئيلي چې نوې قائم شوې ډيفنس فورسز هيډ کوارټرکښې بنيادي تبدلي تاريخي ده ۔
هغۀ اووئيل چې سيوا شوې او بدليدونکي خطرو په وړاندې ضروري ده چې مونږ ملټي ډومين آپريشنز د درې واړو وسله فوج د متحد نظام لاندې نور هم غوره کړو ۔
چيف آف ډيفنس فورسز اووئيل چې د ډيفنس فورسز هيډکوارټر قيام د دغه تبديلۍ اړخ ته يو اهم قدم دې، پاک افواج به آپريشنل تياريانو لپاره خپل انفراديت برقرار ساتي ۔
چيف آف ډيفنس فورسز او فيلډ مارشل اووئيل چې طالبان رجيم ته واضحه پيغام ورکړې شوې چې ترهه ګرو يا پاکستان کښې د يو انتخاب اوکړې، دې نه بغير طالبانو سره بله لار نيشته ۔
هغه زياته کړې چې پاکستان يو پرامن ملک دې، ولې هيچا ته به د پاکستان خپلواکۍ، علاقائي سالميت ته زيان رسولو او او زمونږ د عزم امتحان اخستو اجازت ورنکړې شي ۔
چيف آف ډيفنس فورسز دا هم اووئيل چې د پاکستان تصور ناقابل تسخير دې، او دې لړ کښې د خپل وطن حفاظت لپاره پاک افواج او ټول قام يو دې او دا زمونږ پوخ عزم دې ۔
