په ضلع شانګله کښې د پوليسو مشر په قافله ريموټ کنټرول بمي چاودنه شوې، دهماکه کښې پوليس محفوظ دي خو ګاډي ته زيان رسيدلې دې ۔
د ضلع شانګلې پوليس ترجمان عمر رحمان خېبر نيوز ته وئيلي چۀ خالي په ورځ ماسپخين خواؤشا دولس نيمې بجې د پوليس ضلعي مشر شاه حسن سره د ګنړو پوليس اهلکارو په قافله د چوګا پوليس تهانړې په حدود کښې خوړ شيکولۍ نومې سيمه کښې روان وو چې پرې بمي چاودنه شويده ۔
پوليس مطابق چاودنه کښې ډي پي او پشمول ټول اهلکاران محفوظ پاتې شوي،او د پوليس ګاډي ته زيان رسيدلې دې ۔
پوليس وائي چې چاودنه کښې د مرګ ژوبلې اطلاع نيشته ، دغه سيمه کښې پوليسو د وسله والو په ضد د لټون آپريشن شروع کړې وو ۔
دغه دوران کښې پرې ريموټ کنټرول بمي چاودنه شوې، سيمي ته نور پوليس هم رسيدلي او د وسله والو په ضد د لټون عليات جاري دي ۔
