د پاک فوج شعبه اطلاعات عامه له لوري جاري بيان کښې وئيلي شوي چې سيکيورټي فورسز د خېبرپښتونخوا مختلفو سيمو کښې څلور آپريشنې کړېدي ۔
آئي ايس پي آر مطابق دغه آپريشنې د ترهه ګرو موجودګۍ په خفيه اطلاع شوي، چې پکښې يوولس ترهه ګر وژلې شوي دي ، ترهه ګرو خلاف کاروائيانې د شمالي وزيرستان ميران شاه او ميرعلي علاقو او ډيريه اسماعيل خان کښې شويدي ۔
د پاک فوج ترجمان ترمخه د شمالي وزيرستان په ميرعلي سيمه کښې اولني آپريشن دوران سيکيورټي فورسز د ترهه ګرو خفيه ټهکانه مؤثر انداز کښې په نښۀ کړې چې پکښې پنځه ترهه ګر وژلې شويدي ۔
آئي ايس پي آر وئيلي چې دوئمه کاروائي هم مير علي کښې شوې چې پکښې مزيد درې ترهه ګر وژلې شوي ،بلخوا ميران شاه کېښ دريمې کاروائۍ دوران نور دوه ترهه ګر خپل انجام ته رسولې شويدي ۔
دې ترڅنګ د ډيره اسماعيل خان په درابن سيمه کښې څلورم آپريشن شوې، چې پکښې يو ترهه ګر وژلې شويدې ، وژلې شوي ترهه ګرو قبضې نه وسله او ګوله بارود برآمد شويدي ۔
ترجمان ترمخه سيمه کښې کليئرنس آپريشن جاري دې، او د ټول ملک نه ترهه ګرۍ ناسور ختمولو لپاره سيکيورټي فورسز ژمن دي ۔
بلخوا وزيراعظم شهبازشريف د خېبرپښتونخوا دغه مختلفو سيمو کښې کاميابې کاروائۍ باندې سيکيورټي فورسز ته خراج تحسين وړاندې کړېدې ۔
وزيراعظم وئيلي چې د ترهه ګرۍ خلاف جنګ کښې ټول قام پاک فوج او سيکيورټي فورسز سر کلک ولاړ دې ، ترهه ګرۍ ناسور به ملک نه ختمولې شي ۔
