د مردان ضلعې تحصيل کاټلنګ بابوزو کلي کښې سيکيورټي فورسز کاروائي کړې چې پکښې نهه کسان وژلي شويدي، پوليس چارواکو وئيلي چې وژلي شوي کسان د ترهه ګرو سهولت کار وو ۔
پوليس چارواکومطابق بيګه د شپې سيکورټې فورسز تحصيل کاټلنګ بابوزئي کلي کښې آپريشن کړې چې پکښې د ترهه ګرو سهولت کارانو ټهکانې په نښه کړې شوي، کارروائي دوران په مبينه توګه د ترهه ګرو نهه سهولت کار وژلې شويدي ۔
مقامي خلقو مړې په سوات موټر وے کيښودي وو او احتجاج ئي کړې ، وائي چې وژلې شوي تنان بے ګناه دې دا بيزوګر دې او د غره په لمن کښې اوسيدل ۔
احتجاج کښې د بابوزو کلي عام خلقو پشمول سياسي مشرانو هم ګډون کړې دې، بلخوا احتجاج لوجي په سوات ايکسپريس وے ټريفک بند شوي وو چې ورسره مسافرو ته مشکلات رامخې ته شويدي ۔
بلخوا د کاټلنګ په واقعه مشير اطلاعات بیرسټر محمد علی سیف بيان راغلې او وئيلي دي چې د ترهه ګرو خلاف کاروائۍ په وخت اطراف کښې ځينی غیر مسلح کسان لیدلي شوي وو، هغوي د غیر مسلح کسانو په وژنه باندی د افسوس څرګندونه کړې ده ۔
بيرسټر سيف مخکښې وئيلي چې په حق رسیدلی تنانو کښې زنانه او ماشومان هم شامل دي، په کاټلنګ کښې مخې ته راغلې واقعه افسوسناکه ده، صوبائي حکومت متاثره کورنۍ سره غمرازې کوي ۔
مشير اطلاعات ترمخه صوبائي حکومت متاثرينو سره په دې غم کښې برابر شریک دې، په واقعه کښې ژوبل تنانو به علاج کولیې شي، او د پسماندګانو به مالي مرستې هم کولې شي ۔
