خارجه دفتر وئيلي دي چې پيښور کښې د آرمي پبلک سکول پيښې د معصوم ماشومانو قربانۍ د ترهه ګرو خلاف د پاکستان قامي عزم روښانه او ناقابل فراموش علامت دې، دا قربانۍ د ترهه ګرو خلاف دپاکستان د کردار او غير متزلزل عزم ژوندې ثبوت دې،د اے پي ايس سانحې يوولسم تلين په موقع خپل بيان کښې ترجمان وئيلي چې د پاکستان سکيورټې فورسز او قانون نافذ کونکې ادارې د ترهه ګروخلاف مسلسل فيصله کن او موثره کاروائيانې کوي، او دا چې پاکستان ته سرحد پار سرګرم ترهه ګر عناصرو لخوا مستقل خطره ده ۔
اسلام آباد: دفترخارجه ترجمان د اے پي ايس سانحه باندې خپل بيان کښې وئيلي دي چې پاکستان ترهه ګرۍ خلاف جنګ کښې په نړۍ کښې ټولو نه زيات متاثره ملکونو کښې شامل دې ۔
ترجمان اووئيل چې ترهه ګرۍ لوجې پاکستان کښې اوسه پورې نوي زره نه سيوا ځاني زيان شوې کوم چې د دې خبرې ثبوت دې چې قام امن او سلامتۍ لپاره بے مثاله قربانۍ ورکړيدي ۔
ترجمان دفتر خارجه زياته کړې چې دا قربانۍ د ترهه ګرو خلاف د پاکستان د کردار او غير متزلزل عزم ژوندې ثبوت دي،دپاکستان سکيورټې فورسز او قانون نافذ کونکې ادارې د ترهه ګرو خلاف مسلسل فيصله کن او موثره کارروائيانې کوي ۔
ترجمان مخکښې وئيلي چې پاکستان ته د پولې بل اړخ نه د ترهه ګر عناصرو لخوا مستقل خطره ده ،ولې ترهه ګرو ګروپونو ته زمونږ مخالفين طرف نه مسلسل مرسته هم ترلاسه کيږي ۔
هغه واضحه کړې چې پاکستان د ترهه ګرو مکمل خاتمې لپاره پرعزم دې ، نړيواله ورورلي دې د ترهه ګرو خلاف د پاکستان قربانو او کوششونو اعتراف اوکړي، او د دې چيلنج مقابلې لپاره دې مرستې ته وده ورکړې شي ۔
