د ګرمۍ ځپلې خلقو لپاره خوشحالۍ خبر، نن دشپې د ملک زياتره سيمو کښې باران امکان څرګند شوې دې، محکمه موسميات د خېبرپختونخوا په مختلف علاقو کښې نن دشپې باران پيش ګوئي کړې او وئيلي دي چې دا سلسله به تر سبا پورې دمې دمې سره جاري وي، بلخوا پي ډي ايم اے د څه قسمه ناخوشګوار پيښو مخنيوي لپاره ټول ضلعي انتظاميې ته مراسله هم جاري کړيده ۔
محکمه موسميات د خېبرپختونخوا په زياتره سيمو چترال، سوات، دير، شانګله، کوهستان، بټګرام، مانسهره او هري پور کښې د باران امکان څرګند کړيدے ۔
دغه شان ملاکنډ، بونير، باجوړ، مهمند، پيښور، مردان، صوابۍ، چارسده، نوښار او کوهاټ پشمول نورو سيمو کښې هم د باران پيش ګوئي شويده ۔
دې ترڅنګ د باران دغه دوه ورځې لړۍ به د اسلام آباد، پنجاب، بلوچستان، ګلګت بلتستان او کشمير کېښ هم ځائې په ځائې جاري وي ۔
محکمه موسميات طرف نه جاري شوې بيان کښې وئيلي شوي چې د باران دا سلسله به ځينې علاقو کښې تر سبا پورې دمې دمې سره جاري وي ۔
بلخوا پي ډي ايم اے خېبرپښتونخوا د څه قسمه بدو پيښو مخنيوي لپاره ټول ضلعي انتظاميې ته مراسله هم جاري کړې، چي پکښې د ايمرجنسي صورتحال لپاره د هرقسم تياري کولو هدايت شويديې ۔
