پي ټي آئي ته د کراچۍ په قائد مزار کښې د جلسې مشروط اجازت ميلاؤ شويدې، صوبائي حکومت واضحه کړې چې تحريک انصاف ته به جلسې دوران د ملک او ادارو خلاف د تقرير کولو او خلق راپارولو اجازت نۀ وي، اجازت نامې مطابق پي ټي آئي به د مقرره وخت دننه جلسه ختموي او اجازت نامه منسوخ کولو اختيار به ضلعي انتظاميې سره وي، او سيکيورټي مسئلو لوجې څه وخت به هم اجازت نامه منسوخ کيديشي ۔
کراچۍ: د تحريک انصاف په درخواست د کراچۍ ايسټ ډپټي کمشنر اجازت نامه جاري کړې چې پکښې پي ټي آئي ته مزار قائد باندې د جلسې مشروط اجازت ورکړې شويدې ۔
وزيراطلاعات سندھ شرجيل ميمن وئيلي چې پي ټي آئي ته د جلسې مشروط اجازت ورکړې شوې، جلسه به د اتوار په ورح باغِ جناځ ګراؤنډ کښې وي او دې لپاره شرائط سره اجازت نامه جاري کړې شويده ۔
شرجيل ميمن اووئيل چې جلسې دوران به د قانون او امن ټوله ذمه واري منتظيمينو باندې وي ، جلسه کښې به د ملک او رياستي ادارو خلاف او خلق راپارولو لپاره د تقريرونو اجازت نۀ وي ۔
وزيراطلاعات مخکښې وئيلي چې جلسه به مقرره وخت کښې دننه ختمول لازمي وي، او سيکيورټي وجوهاتو لوجې به انتظاميې ته څه وخت هم د جلسې اجازت نامه منسوخ کولو اختيار ترلاسه وي ۔
