وزیراعلیٰ خېبرپښتونخوا سهيل آفريدي وئيلي دي چې سټريټ موومنټ په ذريعه به د باني پي ټي آئي پيغام ټول ملک ته رسوم ، د کراچۍ اولس ثابته کړې چې بغير د سهولياتو هم جلسه کيديشي ، د زړۀ د اخلاصه د سندھ او کراچۍ د خلقو شکريه ادا کوم ۔
کراچۍ کښې نمائش چورنګۍ باندې جلسې ته خطاب کښې وزیراعلیٰ خېبرپښتونخوا سهيل آفريدي په سندھ حکومت سختې نيوکې کړي دي ۔
سهيل آفريدي وئيلي چې د سندھ حکومت ټول خنډان پي ټي آئي ورکرانو لرې کړي او جلسه کامياب شوې، صوبائي حکومت د سندھ ټوپۍ او اجرک بے حرمتي کړيده ۔
وزیراعلیٰ زياته کړې چې د پنجاب حکومت پشان سندھ هم ښۀ سلوک نۀ دې کړې ، د سټريټ موومنټ راتلونکې پړاؤ به خېبر پښتونخوا وي ، ټول ملک ته به د باني پي ټي آئي پيغام رسولې شي ۔
سهيل آفريدي په کارکنانو غږ کړې چې ټول قام د پي ټي آئي سره ولاړ دې ، که د چا شک وي نو د کراچۍ پاور شو دې اوګوري، هر څه به ورله په نظر راشي ۔
سهيل آفريدي اووئيل چې اولس ډي چوک ته تلو ته تيار دې ، هيچا ته به اجازت نشي ورکولې چي زمونږ په حقونو ډاکه واچوي ، د سندھ او د کراچۍ د اولس شکريه ادا کوم ، دا ثابته شوه چې د سهولياتو نه علاوه هم پي ټي آئي جلسې کولې شي ۔
