خېبرپښتونخوا کښې د سينيټ په خالي نشست ضمني انتخاب شوې، غير سرکاري نتائج مطابق دپاکستان تحريک انصاف حمايت يافته آزاد اميدوار خرم ذيشان سينيټر منتخب شوې،د پي ټي آئي رهنما شبلي فراز نااهلۍ لوجې دغه نشست خالي شوې وو ۔
خېبر پښتونخوا اسمبلۍ کښې د شبلي فراز نااهلۍ لوجې خالي شوې سينيټ سيټ باندې ضمني انتخاب سرته رسيدلې دې ۔
د ووټونو کاسټ کولو عمل سحر نهه بجې شروع شوې وو او مازيګر څلور بجو پورې جاري وو، وزيراعلیٰ خېبرپښتونخوا سهيال آفريدي پشمول د يو سل ،پنځه څلويښت ايوان کښې يو سل، اووه ديرش اراکينو ووټونه کاسټ کړي ۔
د غير سرکاري او غير حتمي نتائج مطابق يو ووټ مسترد شوې او اتۀ اراکينو ووټونه نۀ دي کاسټ کړي ۔
آزاد اميدوار خرم ذيشان يو نوي ووټونه اخستو سره سينيټر منتخب شوې دې، او د اپوزيشن مشترکه اميدوارتاج آفريدي پنځه څلويښت ووټونه اخستي او په دوئم نمبر راغلې دې ۔
خېبر پښتونخوا اسمبلۍ کښې د حکومتي اراکينو تعداد دوه نوي او د اپوزيشن جماعتونو اراکينو شميره درې پنځوس ده ۔
عوامي نيشنل پارټۍ د سينيټ د ضمني انتخاب نه د بائيکاټ فيصله کړې وه، او د پارټۍ څلور اراکينو ووټ نۀ وو کاسټ کړې، يو ووټ مسترد شوې وو ۔
د جے يو آئي اکرم خان دراني، د پي ټي آئي پي ناديه شير، پيپلز پارټۍ فرزانه او آزاد رکن علي هادي غير حاضر وو ۔
