د پاکستان سپر ليګ لسم ايډېشن په لسم ميچ کښې د کراچي کنګز يو سل نهه ويشت رنز هدف اسلام آباد يونائټډ اتلسم اوور کښې څلور وکټو په زيان پورا کړې او روان ميګا ايونټ کښې ئې مسلسل څلورم ميچ هم ګټلې دې ۔
د کراچۍ نيشنل سټيډيم کښې لوبيدلې ميچ کښې اسلام آباد يونائټډ ټاس ګټلې وو او پخپله ئې اول د فيلډنګ فيصله کړې وه، کومه چې ښۀ ثابت شويده، کراچي کنګز اول بيټنګ کړې وو او مقرره اوورز کښې ئې اووه وکټو په زيان يو سل اتۀ ويشت رنز جوړ کړي وو۔
کراچي کنګز طرف نه ټولو نه زيات ټِم سيفرټ ديرش، عباس آفريدي څليريشت او سعد بيګ په شل رنز آؤټ شوې وو، خوشدل شاه اوولس او کپتان ډيوډ وارنر صرف په درې رنز پويلين ته واپس تلې وو ۔
اسلام آباد يونائټډ طرف نه نسيم شاه ، جيسن هولډر او شاداب خان شاندار باولنګ کړې وو او درې واړو باولرانو دوه، دوه وکټې په خپل نوم کړې وې
اسلام آباد يونائټډ د کراچي کنګز يو سل نهه ويشت رنز هدف اتلسم اوور کښې څلور وکټو په زيان پورا کړې او روان ټورنامنټ کښې ئې مسلسل څلورمه کاميابي ئې هم ترلاسه کړېده ، کپتان شاداب خان اووه څلويښت، اعظم خان يو ديرش او صاحبزاده فرحان ديرش رنز باندې آؤټ شوي وو ۔
کراچي کنګز لخوا حسن علي دوه، عباس آفريدي او محمد نبي يو، يو وکټ اخستې دي، شاندار باولنګ او بيټنګ باندې د اسلام آباد کپتان شاداب د ميچ بهترين لوبغاړې ګرځولې شويدې ۔
