وزيراعظم شهبازشريف د جنوبي افريقې او پاکستان کرکټ ټيم په درناوي کښې د ماسخوتن د ډوډۍ اهتمام کړېدې، د دواړو ټيمونو لوبغاړو وزيراعظم سره ملاقات هم کړې ، په دې موقع وزيراعظم وئيلي چې د پاکستان او جنوبي افريقه ترمينځ بهترين تعلقات دي، د دواړو ملکونو ترمينځ سيريز د دغه بهترين تعلقاتو علامت دې، وزيراعظم د ميلمه ټيم لپاره د نيک خواهشاتو اظهار کړې او طمع ئې څرګند کړې چې قامي ټيم به هم د تير وخت پشان د غوره لوبې مظاهره کوي ۔
اسلام آباد: وزيراعظم شهبازشريف د پاکستان په دوره راغلې د جنوبي افريقې او پاکستان کرکټ ټيم لپاره د عشائيې اهتمام کړې او په دې موقع ئې د دواړو ټيمونو لوبغاړو سره ملاقات هم کړېدې ۔
په دې موقع وزيراعظم وئيلي چې جنوبي افريقه نړۍ ته د کرکټ نامتو لوبغاړي ورکړيدي، کرکټ صرف يوه لوبه نۀ ده ، بلکه دا د مختلفو ملکونو اولس هم يو بل سره تړلو کښې اهم کردار لوبوي ۔
وزيراعظم د دواړو ټيمونو لوبغاړو لپاره د نيک خواهشاتو اظهار کړې او وئيلي دي چې قامي ټيم به هم د تير وخت پشان د غوره لوبې مظاهره کوي ۔
د وزيراعظم وينا وه چې کرکټ په عالمي کچ ورورولۍ او امن ته وده ورکوي ، د کرکټ اصل روح بحالولو ضرورت دې ۔
