وزيراعظم شهبازشريف تنخواه دار طبقې باندې د ټيکس شرح کمولو هدايت کړې، د وزيراعظم هدايت نه پس د راتلونکي مالي کال بجټ کښې تنخواه دار طبقې د ټيکس رعايت په حواله کار هم شروع کړې شوې دې، چيئرمين ايف بي آر مطابق وزيراعظم لوئې کمپنو باندې عائد سُپر ټيکس کمولو هدايت هم کړې او دې لړ کښې په حکومتي سطح کار هم شروع کړې شويدې ۔
اسلام آباد کښې پاکستان بزنس کونسل سيمينار ته خطاب کښې د ايف بي آر چيئرمين راشد محمود لنګړيال وئيلي دي چې وفاقي حکومت لوئې کمپنو او کاروبار باندې سُپر ټيکس مرحله وار ختمولو او بيا مکمل ختمولو ته رضا شويدې ۔
چيئرمين ايف بي آر اووئيل چې دې لړ کېښ به آئي ايم ايف سره خبرې هم کيږي ، د دې ټيکس ختمولو مقصد ملک کښې سرمايه کارۍ ته نوره وده ورکول دي ۔
هغه اووئيل چې وزيراعظم شهبازشريف تنخواه دار طبقې باندې د ټيکس شرح کمولو هدايت هم کړې، اودې لړ کښې راتلونکي مالي کال بجټ نه تنخواه دار طبقې باندې لګولې شوې ټيکس کښې رعايت په حواله کار هم شروع کړې شويدې ۔
