خېبرپښتونخوا پشمول ټول ملک کښې څلورم اګست يوم شهدا پوليس نمانځلې شوې، دې سلسله کښې مختلف ضلعو کښې دستورې شوي، چې پکښې پوليس افسرانو، د شهدا لواحقينو او مقامي خلقو شرکت کړے دې، په دې موقع شهيد پوليس اهلکارو ته خراج تحسين وړاندې شوې او د هغوۍ قربانۍ د ملک او قام لپاره امانت ګرځولې شويدي ۔
پيښور: د خېبرپختونخوا په مختلفو ضلعو کښې څلورم اګست د پوليس شهدا ورځ په توګه نمانځلې شوې، په دې اړه نوښار، صوابۍ، چارسده، هنګو، ملاکنډ، سوات، شانګله، هزاره ډويژن مختلفو ضلقو او اسلام آباد پشمول د ملک نورو برخو کښې دستورې تابيا شويدي ۔
پيښور کښې مرکزي دستورې ته وينا کښې وزيراعلیٰ علي امين ګنډاپور پوليس شهدا ته خراج تحسين وړاندې کړې او وئيلي دي چې پوليس خېبر پښتونخوا کښې کوم ترهه ګرو سره جنګيږي ، هغوي څه عام مجرمان نۀ دي ۔
علي امين ګنډاپور اووئيل چې د شهيد پوليس اهل خانه به مکمل خيال ساتلې شي، دې لپاره يو ارب روپۍ ايښودې شويدي ۔
هغۀ اووئيل چې د شهدا فيمليز سهوليات کښې به هيڅ کمې نۀ کيږي،د پوليس تنخواګانې د پنجاب پوليس برابر کړې شويدي ۔
دغه شان قبائلي ضلعې شمالي و جنوبي وزيرستان پشمول ډي آئي خان، بنو او نورو سيمو کښې هم تقريبات ترسره شوي دي ۔
دغه دستورو کښې پوليس افسرانو، ځوانانو، د شهيدا لواحقينو، سياسي مشرانو او مقامي مشرانو پشمول نورو خلقو ګڼ شمير کښې شرکت کړې دې ۔
په دې موقع پوليس شهدا ته خراج عقيدت وړاندې شوې، د ملک او قام لپاره د شهدا قربانۍ ستائلي شوي، مقررينو وئيلي چې د ترهه ګرۍ خلاف جنګ کښې زمونږ پوليس ډيرې قربانۍ ورکړي، د دوي د قربانو په وجه نن امن قائم دې ۔
د پوليس شهدا په يادګار ګلدستې هم ايښودي شوي، د هغوۍ قبرونو ته سلامي پيش کيدو سره سره فاتحه خواني هم شوې ده ۔
د پوليس افسرانو وينا وه چې د هغوي محکمه د شهيدا لواحقينو سره کلکه ولاړه ده، د شهيدشوي اهلکارانو بچو به خاص خيال ساتلې شي ۔
