د سه فريقي ټي ټوينټي سيريز فائنل ميچ کښې پاکستان په شپږ وکټو سري لنکا ته شکست ورکړي او ټرافي ئې ګټلې ده، د سري لنکا د يو سل پنځلس رنز هدف پاکستان نورلسم اوور کښې څلور وکټو په زيان پورا کړې، پاکستان طرف نه بابراعظم اووۀ ديرش رنز باندې ناټ آؤټ پاتې شوېدې، د قامي ټيم آل راؤنډر محمد نواز د ميچ او سيريز بهترين لوبغاړې ګرځولې شويدې ۔
د پنډۍ کرکټ سټيډيم کښې لوبيدلې د سه فريقي سيريز فائنل ميچ کښې پاکستان ټاس ګټلې وو او د فيلډنګ فيصله ئې کړې وه ۔
سري لنکا ټول ټيم آخري اوور کښې يو سل څوارلس رنز باندې آؤټ شوې، چې پکښې ټولو نه زيات کامل مشرا نهه پنځوس او کُسال مينډس څوارلس رنز جوړ کړي وو ۔
پاکستان طرف نه شاهين شاه آفريدي او محمد نواز درې، درې وکټې اخستې وې، ابرار احمد دوه ، سلمان مرزا او صائم ايوب يو، يو وکټ په خپل نوم کړې وه ۔
د يو سل پنځلس رنز هدف قامي ټيم نورلسم اوور کښې څلور وکټو په زيان پورا کړې او ټرافي ئې په خپل نوم کړيده ۔
پاکستان طرف نه بابراعظم په اووۀ ديرش او عثمان خان په درې رنز ناټ آؤټ پاتې شويدي ۔
صائم ايوب شپږ ديرش، صاحبزاده فرحان دري ويشت، سلمان علي آغا څوارلس او فخر زمان په درې رنز آؤټ شويدي ۔
سري لنکا طرف نه پَوان دوه او ايشان ملينګا يو وکټ په خپل نوم کړې وه ۔
بهترين آل راؤنډ کارکردګۍ باندې محمد نواز د فائنل ميچ او سيريز بهترين لوبغاړې ګرځولې شويدې ۔
