وزيراعظم شهبازشريف وئيلي دي چې پاکستان د پرامن مقاصد لپاره د ايران ايټمي پروګرام حمايت کوي،دمسئله کشمير او اوبو مسئلو پشمول ټولې لانجې د مذاکراتو د لارې حل کولو غواړو،تر دې چې د تجارت او ترهه ګرۍ مخنيوي لپاره بهارت سره هم خبرو اترو ته تيار يوو ۔
وزيراعظم شهبازشريف د ترکيه نه پس په دوه ورځنې دوره تهران ته رسيدلې،تهران کښې سعد آبادمحل ته راتګ باندې ايراني صدر مسعود پژشکيان د وزيراعظم تود هرکلې کړې،په دې موقع شهباز شريف درناوي کښې ګارډ آف آنر وړاندې کړې شوې او د ايران چاق و چوبند دستې سلامي هم وړاندې کړېده ۔
د ايران صدر مسعود پزشکان سره ملاقات نه پس دواړو مشرانو تهران کښې شريکې خبرې غونډې ته وينا هم کړې ده ۔
وزيراعظم شهبازشريف د پاکستان او بهارت شخړې دوران حمايت باندې د ايراني قيادت شکريه ادا کړې او د ايران د پرامن نيوکليئر پروګرام د حمايت اعلان ئې کړې ۔
وزيراعظم وئيلي چې ايران خپل دوئم کور ګنړو ، مونږ ايران سره اړيکې نورې مضبوطولو فيصله کړې او دې لپاره به دوه اړخيزې اړيکې نورې هم مضبوطولې شي ۔
وزيراعظم مخکښې اووئيل که چرې بهارت جارحيت غواړي، نو مونږ هم دخپل سرحدونو حفاظت کولې شو، پاکستان د سلامتي کونسل قراردادونو مطابق د کشمير مسئلې حل غواړي ۔
په دې موقع ايراني صدر مسعود پزشکيان وئيلي چې پاکستان او بهارت مذاکراتو په ذريعه دوه اړخيزه مسئلې حل کړي،ايراني صدرغزه کښې د اسرائيلي حملو او ظلمونو مذمت هم کړې ۔
دې نه پس وزیراعظم شهبازشريف تهران کښې د ايران سپريم ليډر آيت الله خامه اي سره ملاقات کړې او هغه ته ئې د پاکستان دورې بلنه ورکړيده ۔
وزيراعظم د ايران سپريم ليډر د بهارتي جارحيت نه خبر کړې او د پاکستان حمايت باندې ئې د ايراني قيادت شکريه هم ادا کړېده ۔
د ملاقات وروستو جاري اعلاميه کېښ وئيلي شوي چې آيت الله خامنه اي د منطقې امن او خوشحالۍ ته وده ورکولو کښې د وزيراعظم د کردار ستائنه کړېده ۔
