پاکستان دوئم ټي ټوينټي ميچ کښې جنوبي افريقې ته په نهه وکټو ماتې ورکړې او د درې ميچونو سيريز ئې يو، يو سره برابر کړيدې، د ميلمه ټيم د يو سل يوولس رنز هدف قامي ټيم څوارلسم اوور کښې يو وکټ په زيان پورا کړي او ميچ ئې ګټلې دې، شاندار بولنګ باندې سلمان مرزا د ميچ غوره لوبغاړې ګرځولې شويدې ۔
د لاهور قذافي سټيډيم کښې لوبيدلې دوئم ټي ټوينټي ميچ کښې پاکستان ټاس ګټلې وو او د پخپله ئې اول د فيلډنګ فيصله کړې وه ۔
د پاکستان شاندار بولنګ لوجې د جنوبي افريقې ټول ټيم آخري اوور کښې صرف په يو سل لس رنز آؤټ شوې وو، پاکستان طرف نه فهيم اشرف او سلمان مرزا شاندار بولنګ کړې وو ۔
فهيم اشرف څلور، سلمان مرزا درې، نسيم شاه دوه او ابرار احمد يو وکټ په خپل نوم کړې وه ،جنوبي افريقې لخوا ډيوالډ بريوس پنځه ويشت، ډونون فريرا پنځلس او بارټ مين دولس رنز جوړ کړي وو ۔
د يو سل يوولس رنز هدف قامي ټيم څوارلسم اوور کښې يو وکټ په زيان آسانۍ سره مکمل کړې او ميچ ګټلو سره ئې د درې ميچونو سيريز هم يو، يو سره برابر کړيدې ۔
د پاکستان صائم ايوب شاندار يو اوويا او بابراعظم پو يوولس رنز ناټ آؤت پاتې شويدي، صاحبزاده فرحان په اتۀ ويشت رنز آؤټ شوې وو ۔
شاندار بولنګ باندې د قامي ټيم فاسټ بولر سلمان مرزا د ميچ بهترين لوبغاړې ګرځولې شويدې ۔
