پاکستان کرکټ بورډ د جنوبي افريقې او سري لنکاخلاف ټي ټوئنټي او ون ډے ميچونو او سه فريقي سيريز لپاره د شپاړس کسيزه سکواډ اعلان کړېدې، سه فريقي سيريز کښې زمبابوے هم شامل ده، د بابراعظم او نسيم شاه سکواډ کښې واپسي،سلمان آغا د ټي ټوئنټي او شاهين آفريدي د ون ډے ميچونو لپاره د پاکستان کپتانان مقرر شويدي ۔
پاکستان کرکټ بورډ لخوا جاري شوي اعلامئې مطابق جنوبي افريقې خلاف ټي ټونټي او يو ورځني ميچز سيريز لپاره شپاړس رکني سکواډ اعلان شوې، ددې ترڅنګ سري لنکا خلاف ون ډے ميچونو او سه فريقي سيريز لپاره پنځلس رکني سکواډ اعلان شوې ۔
بيان مطابق ټي ټونټي سيريز لپاره د بابر اعظم او نسيم شاه واپسې شوې، د دې نه علاوه عثمان طارق په اول ځل ټي ټونټي سکواډ کښې شامل کړې شوې ۔
د ټي ټونټي سکواډ قيادت به سلمان علي آغا او ون ډے ټيم کپتان به شاهين شاه آفريدي وي ۔
پاکستان او جنوبي افريقې ترمينځ ټي ټونټي سيريز به اتۀ ويشتم اکتوبر نه تر يکم نومبر پورې ترسره کيږي، د دې نه علاوه د پاکستان، سري لنکا او زمبابوے درې ملکي سيريز به اولسم نومبر نه نهه ويشتم نومبر پورې لوبيږي ۔
