هملټن کرکټ ګراؤنډ کښې لوبيدلې دوئم ون ډے ميچ کښې پاکستان ټاس ګټلې وو او نيوزي لينډ ته ئې اول د بيټنګ بلنه ورکړې وه ۔
نيوزي لينډ مقرره اوورونو کښې اتۀ وکټو په زيان دوه سوه، دوه نوي رنز جوړ کړې وو ، چې پکښې مچل هے ټولو نه زيات نهه نوي رنز باندې ناټ آؤټ پاتې شوې وو ،پاکستاني نژاد محمد عباس يو څلويښت او نِک کيلي يو ديرش رنز جوړ کړي وو ۔
پاکستان طرف نه محمد وسيم او سفيان مقيم دوه، دوه، فهيم اشرف، عاکف جاويد او حارث رؤف يو، يو وکټ په خپل نوم کړېدي ۔
د مقرره هدف په تعاقب کښې قامي ټيم دوه څلويښتم اوور کښې دوه سوه، اتۀ رنز باندې آؤټ شوې او ميچ ئې بيللې دې، پاکستان طرف نه فهيم اشرف ټولو نه زيات دري اوويا او نسيم شاه يو پنځوس رنز جوړ کړي وو ۔
د قامي ټيم ټاپ آرډر يو ځل بيا ناکامې سره مخ شوې، عبدالله شفيق او بابراعظم يو، يو، امام الحق درې، محمد رضوان پنځه، سلمان آغا نهه، طيب طاهر ديارلس باندې آؤټ شوي وو ۔
نيوزي لينډ لخوا بين سيرز پنځه او جيکب ډفي درې وکټې اخستې وې ، شاندار بيټنګ او فيلډنګ باندې مچل هے د ميچ بهترين لوبغاړي اعزا په خپل نوم کړېدې ۔
دوئم ون ډے ميچ ګټلو سره کوربه ټيم د درې ميچونو سيريز کښې دوه صفر سره فيصله کن برتري ترلاسه کړېده، د سيريز آخري ميچ به پنځم اپريل باندې د خالي په ورځ لوبيږي ۔
