نيپال کښې احتجاجي مظاهرو رنګ راوړې دې، نيپالي صدر پارليمنټ تحليل کړې او پخوانۍ چيف جسټس سشيله کارکي ئې د ملک عبوري وزيراعظمه مقررکړيده، صدارتي اعلاميې ترمخه د راتلونکي کال په پينځم مارچ د نوې انتخاباتو اعلان هم شويدې، د عوامي احتجاج په نتيجه کښې وزيراعظم مستعفي شوې وو او په نيپالي فوج د کهټمنډو کنټرول خپل لاس کښې اخستې دې ۔
کهټمنډو: نيپال کښې د کرپشن او په سوشل ميډيا بنديز خلاف شروع شوي عوامي احتجاج رنګ راوړې او هيواد کښې نوې عبوري حکومت هم جوړ کړې شويدې ۔
نيپالي صدر پارليمنټ تحليل کړې او پخوانۍ زنانه چيف جسټس سُشيله کارکي ئې د ملک عبوري وزيراعظمه مقرر کړې ده ۔
صدر لخوا د نيپالي پارليمنټ تحليل کيدو سره د راتلونکي کال په پنځم مارچ د نوې انتخابات اعلان هم کړې شوې دې ۔
نيپال کښې د عوامي احتجاج په نتيجه کښې وزيراعظم مخکښې نه مستعفي شوې وو، د پرتشدد مظاهرو دوران پخواني وزرائے اعظم او وزيرانو کورونو ته هم زيان رسولې شوې وو ۔
مظاهرو او احتجاجونو دوران يو شمير سرکاري ودانو ته اوورونه ورته کړې شوي وو، د کوم ورستو چې نيپالي فوج د کهټمنډو کنټرول په خپل لاس کښې اخستې دې ۔
