لاهورقلندرز په دريم ځل د پاکستان سُپر ليګ ټرافي ګټلې ده، فائنل ميچ کښې ئې په شپږ وکټو کوئټه ګليډي ايټرز ته شکست ورکړې او چيمپيئن جوړ شوې ،سنسني خيز ميچ کښې د کوئټه ګليډي ايټرز دوه سوه، دوه رنز هدف لاهور قلندرز څلور وکټو په زيان پورا کړېدې،کوسال پريرا شاندار دوه شپيته او سکندر رضا جارحانه دوه ويشت رنز سره د ټيم ګټه کښې لوئې کردار لوبولې دې ۔
د لاهور قذافي سټيډيم کښې لوبيدلې د پي ايس ايل فائنل ميچ کښې کوئټه ګليډي ايټر ټاس ګټلې وو او د بيټنګ فيصله ئې کړې وه ۔
کوئټه ګليډي مقرره اوورونو کښې اتۀ وکټو په زيان دوه سوه، يو رنز جوړ کړي وو، چې پکښې حسن نواز ټولو نه زيات شپږ اوويا،اويشکا فرنينډو نهه ويشت، فهيم اشرف اتۀ ويشت او رئيلي روسو دوه ويشت رنز باندې آؤت شوي وو ۔
لاهور قلندرز لخوا شاهين شاه آفريدي درې ، حارث رؤف، سلمان مرزا دوه دوه، سکندر رضا او راشد حسين يو، يو وکټ په خپل نوم کړې وې ۔
لاهور قلندرز د دوه سوه، دوه رنز هدف د آخري اوور په پنځم بال باندې پورا کړې او په دريم ځل ئې د شاهين شاه آفريدي کپتانۍ کښې ټرافي په خپل نوم کړېده ۔
لاهور قلندرز طرف نه کوسال پريرا ټولو نه زيات دوه شپيته او سکندر رضا جارحانه دوه ويشت رنز سره ناټ آؤټ پاتې شوي وو او د ميچ ګټه کښې ئې لوئې کردار لوبولې دې ۔
د قلندرز فخر زمان يوولس، محمد نعيم شپږ څلويښت، عبدالله شفيق يو څلويښت او بهنوکا راجه پاکسے څوارلس رنز جوړ کړي وو ،فائنل ميچ کښې شاندار بيټنګ باندې کوسال پريرز د ميچ او ټورنامنټ کښې شاندار درې سوه نه نوي رنز جوړولو باندې د کوئټه ګليډي ايټرز حسن نواز د ميګا اوينټ بهترين لوبغاړې ګرځولې شويدې ۔
لاهور قلندرز د شاهين شاه آفريدي کپتانۍ کښې دوه زره دوه ويشتم او دري ويشتم کښې هم ټرافي ګټلې وه ۔
فائنل میں شاندار بیٹنگ پر کوسال پریرا کو میچ کا بہترین کھلاڑٰ قرار دیا گیا ،جبکہ ٹورنامنٹ میں 399رنز بنانے پر کوئٹہ کے حسن نواز کو بہترین کھلاڑی قراردیا گیا ۔
فائنل ميچ کښې د کوئټه ګليډيا ايټرز اولني اننګز نه پس وقفې دوران قذافي سټيډيم کښې د پاکستان بحريه د پاکستاني اوبو حفاظت ، سمندري دفاع کولو او خپله برتري حاصلولو باندې خراج تحسين وړاندې کړې شويدې۔
په دې موقع نامتو سندرګاړي ابرارالحق سټيډيم کښې خپلې مشهورې سندرو باندې پرفارمنس کړې او شائقين ئې په ډانس مجبوره کړي وو،سندر غاړو رضوان مرزا ،حسين علي پراچه او نديم عباس هم مشهورې ملي نغمو سره پاک فوج ته خراج تحسين وړاندې کړې وو ۔
