د ډپټي سپیکرې ثريا بي بي په مشرۍ کښې د خيبر پښتونخوا اسمبلۍ اجلاس تریوولسم اګست پوری ملتوی کړې شوې دې ،اجلاس کښې د صوبي او په خاصه توګه د باجوړ امن وامان حوالې سره خصوصي خبرې اترې شويدي ۔
د صوبائي اسمبلۍ د غړو وینا وه چې د امن و امان صورتحال ښه کولو لپاره دې مربوط حکمت عملي جوړه کړې شي،د کورم په نشاندهی باندی اجلاس ملتوی کړې شوې دې ۔
حکومتي اراکينو وئيلي چې د پاکستان امن افغانستان سره تړلې شويدې ،صوبه کښې امن و امان بحالۍ لپاره دې افغانستان سره بامعنې مذاکرات اوکړې شي ۔
دوي اووئيل چې امنيت قيام لپاره د وزيراعلیٰ جرګې د ستائنې وړ دي، پنځوس کاله تيريدو باوجود هم ملک کښې امن رانغلو، د حق خبره باندې چپ پاتې کيدل لوئې جرم دې، ترهه ګرو سره بار بار مذاکرات شوي خو اوسه پورې ئې هيڅ نتيجه مخې ته نۀ ده راغلې ۔
