پيښور: په خېبرپښتونخوا کښې د تعلیم محکمی د شپاړس زره، څلور سوه، څلور پنځوس آساميانو لپاره اته لکه، شپږ شپيته زره کسانو درخواستونه جمع کړي دي ۔
د سرکاري ټیسټنګ ادارې ایټا د دغو درخواستونو تفصیلات جاري کړي، چې له مخې ئې درې لکه، پنځه نوي زره جينکو او څلور لکه اوويا زره هلکانو د دغو اسامو لپاره درخواستونه جمع کړېدي ۔
په درخواست ورکونکو کښې څلور سوه شپږ پی ایچ ډي ډګري لرونکي، اووه زره يو سل يو شپيته معذوره کسانو او څلور خواجه سرا هم شامل دي ۔
ايګزيکټيو ډائريکټر ايټا وئيلي دي چې د درخواستونو د جانچ لپاره به اول سکریننګ ټیسټ اخستل کېږي، دې نه پس به کمپیوټر بیسډ ټیسټ ترسره کېږي، او په آخر کښې به کوالټي چیکنګ کولې شي ۔
هغه زياته کړې ده چې د وړوکي اختر نه وروستو سمدستي به د سکریننګ ټیسټ انعقاد کولي شي، دې لپاره ټولې تياريانې مکمل دي ۔
