کراچۍ کښې د روان کال اولنې اووه مياشتو دوران ټريفکي پيښو کښې پنځه سوه شپږ څلويښت کسان پحق رسيدلي او اتۀ زره نه زيات ژوبل شويدي، د چهيپا فاونډيشن اعداد و شمار کښې وئيلي شوي چې ټولو نه زيات حادثات د غټو ګاډو لوجې رامخې ته شوي چې پکښې يو سل پنځه شپيتۀ کسان پحق رسيدلي دي ۔
کراچۍ: د چهيپا فاونډيشن لخوا جاري شوې اعداد و شمار کښې وئيلي شوي چې کراچۍ ښار کښې ټريفکي پيښې ورځ تر بله سيوا کيږي ۔
رپورټ مطابق د روان کال اولنې اووه مياشتو کښې ټريفکي پيښو دوران پنځه سوه شپږ څلويښت کسان مړۀ شوي او اتۀ زره، يو سل، شپږ ديرس کسان ژوبل شويدي ۔
ټريفک حادثاتو دوران پحق رسيدلي کسانو کښې څلور سوه پنځه ويشت نارينه، يو پنځوس زنانه او او نورلس ماشومانې جينکې شاملې دي ۔
رپورټ مطابق ټريفکي پيښو کښې ژوبل شوي کسانو کښې شپږ زره، څلور سوه ،يوولس نارينه م يوزر، دوه سوه، اووه ديرش زنانه، پنځه سوه اتلس ماشومان شامل دي ۔
