د ترکيه په ميزبانې کښې د پاکستان اوافغانستان حکومتي چارواکو ترمينځ په استنبول کښې د امنیت په حواله د خبرو اترو دوئم دور جاري دې، سرچينې وائي چې دواړو ملکونو ترمينځ به مذاکرات درې ورځو پورې جاري وي، د دي مذاکراتو مقصد د دواڼو هيوادونو ترمينځ د نورو سرحدي انښتو مخنیوې کول او د وسله والو خطرات په وړاندې يو بل سره همکاري مضبوطول دي، مذاکراتو کښې په دوحه کښې شوې نکاتو باندې عمل درآمد جاج اخېستې شوېدې ۔
استنبول: سرچينو ترمخه ترکيه په ميزبانې کښې د پاکستان او افغانستان ترمينځ د مذاکراتو دوئم پړاؤ سر ته رسېدلې دې، مذاکراتو کښې دوحه کښې شوې نکاتو باندې عمل درآمد جاج اخېستې شوېدې ۔
سرچينې وائي چې د دواړو هيوادونو وفود ترمينځ مذاکرات د ترک سرښار استنبول په يو مقامي هوټل کښې کيږي ۔
دپاکستان اووه کسیزه وفدچې پکښې سفارتکار اود خفيه ادارو چارواکي هم شامل دي ، دې مزاکراتو کښې ګډون کوي، دا خبرې اترې دبندو دروازو شا ته ترسره کیږي چې ميډيا ورته رسائي نۀ لري، او دواړو اړخو لا تر اوسه د ايجنډي تفصيلات نه دي ظاهر کړي، ولي وئيلي کيږي چې دواړو ملکونو ترمينځ به مذاکرات درې وروځې نور هم جاري وي ۔
د کابل وفد مشري د کورنیو چارو مرستیال وزیر رحمت الله نجیب کوي، افغان وفد کښې دکورنیو چارو، بهرنیو چارو او دفاع وزارتونو شپږ اهم چارواکي او سیاسي استازي شامل دي، چې پکښې فرسټ پوليټيکل ډائريکټر نور احمد نور، قطر کښې د افغانستان سفير سهيل شاهين شامل دي ۔
ذرائع وائي چې افغان وفد کښې سهیل شاهین، انس حقاني او نور مهم شخصیتونه هم شامل دي ،دفاع وزارت نمائنده نور رحمان نصرت، ترجمان عبدالقهار بلخي هم افغان وفد کښې موجود دي ۔
طمع ده چې دخبر اترو اهم موضوعات به د پاکستان دننه د بریدونو لپاره د افغانستان د خاورې استعمال مخنیوي،د وسله والو ډلو په اړه د انټيلي جنس معلوماتو شريکولو، د اوسني جنګ بندۍ موده غزولو، او د یو بل د زمکنۍ او فضائي حدود احترام ته درناوې ورکول وي ۔
