ايشيا کپ فائنل ميچ کښې بهارت په پنځه وکټو قامي ټيم ته شکست ورکړې او ټرافي ئې په خپل نوم کړېده،د پاکستان يو سل اووۀ څلويښت رنز هدف بهارت پنځه وکټو په زيان آخري اوور کښې پورا کړې، بهارت طرف نه ټولو نه زيات تيلک ورما نهه شپيتۀ رنز جوړ کړي او د ميچ بهترين لوبغاړې ګرځولې شويدې ۔
دبئي انټرنيشنل کرکټ سټيډيم کښې لوبيدلې د ايشيا کپ فائنل ميچ کښې بهارتي ټيم کپتان سورياکمار ټاس ګټلې وو او پاکستان ته ئې د بيټنګ بلنه ورکړې ده ۔
پاکستان نورلس اعشاريه يو اوور کښې يو سل شپږ څلويښت رنز جوړ کړي چې پکښې ټولو نه زيات صاحبزاده فرحان اووه پنځوس او فخرزمان شپږ څلويښت رنز جوړ کړي وو ۔
د پاکستان اوپنرز بهترين بيټنګ کړې وو ، ولې هغوي نه پس بل يو بيټسمين هم غوره بيټنګ نۀ دې کړې چې لوجې ئې قامي ټيم فائنل ميچ کښې بهارت ته لوئې هدف ورکولو کښې ناکامه شويدې ۔
د پاکستان نورو لوبغاړو کښې صائم ايوب څوارلس، کپتان سلمان آغا اتۀ، محمد نواز او حارث رؤف شپږ،شپږ، حسين طلعت يو، شاهين شاه آفريدي، محمد حارث او فهيم اشرف بغير د رن جوړولو آؤټ شويدي ۔
بهارت طرف نه کُلديپ ياديو شاندار باولنګ کړې او څلور وکټې ئې په خپل نوم کړېدي ، جسپرټ بومرا، ورون چکرورتي او ايکشر پټيل دوه، دوه وکټې په خپل نوم کړي دي ۔
د پاکستان يوسل اووۀ څلويښت رنز هدف بهارتي ټيم آخري اوور کښې پنځه وکټو په زيان پورا کړې او د ايشيا کپ نوې چميپيئن جوړ شويدې ۔
بهارت طرف نه ټولو نه زيات تيلک ورما نهه شپيته، شيوان دوبے دري ديرش اوسنجو سيمسن څليريشت رنز جوړ کړي وو،پاکستان طرف نه فهيم اشرف درې، شاهين شاه آفريدي او ابرار احمد يو ، يو وکټ په خپل نوم کړېده ۔
