د ايشين کرکټ کونسل صدر او پاکستان کرکټ بورډ چيئرمين محسن نقوي يو ځل بيا وئيلي که چرې بهارتي ټيم د ايشيا کپ ټرافي پکار وي نو د اے سي سي دفتر ته دې راشي، محسن نقوي مطابق بهارتي ميډيا غلط او دروغ خبرونه چلوي، ما نۀ غلط کار کړې او نۀ مې چا نه معافي غوښتې ده، د بهارتي ميډيا کار صرف خلق بے وقوف جوړول دي ۔
د ايشين کرکټ کونسل صدر محسن نقوي يو ځل بيا بهارتي ټيم کپتان ته بلنه ورکړې که چرې د ايشيا کپ ټرافي ورله پکار وي نو دفتر ته دې راشي او ترافي دې يوسي ۔
د بهارتي ميډيا پروپيګنډې باندې خپل ردعمل کښې محسن نقوي وئيلي چې ما غلط کار نۀ دې کړې، نو ولې به معافي غواړم ، بهارتي ميډيا غلط او دروغ خبرونه چلوي، د بهارتي ميډيا کار صرف خلق بے وقوف جوړول دي ۔
محسن نقوي اووئيل چې بدقسمتۍ سره بهارت لوبو کښې سياست شامل کړې او لوبې ئې متاثره کړيدي ۔
د اے سي سي صدر اووئيل چې د ايشين کرکټ کونسل صدر په حيث ما د ايشيا کپ فائنل نه پس بهارتي ټيم ته ټرافي ورکوله، ولې هغوي انکار کړې وو ، زۀ اوس هم ټرافي ورکولو ته تيار يم ، خو اوس به بهارتي ټيم کپتان د اے سي سي دفتر ته راځي او ټرافي به اخلي ۔
