سرښار اسلام آباد او خېبرپښتونخوا پشمول د ملک زياتره برخو کښې د يخنۍ موسم د بارانونو سلسله وقفې وقفې سره جاري ده، چې ورسره د يخنۍ په شدت کښې نوره هم اضافه شويده، د ملک بالائي برخو کښې د واورې وريدو او بارانونو لوجې مختلفو پيښو کښې دوه کسان پحق رسيدلي او پنځه ديرش نور کسان ژوبل شويدي ۔
سرښار اسلام آباد او پنډۍ پشمول خطه پوټوهار مختلفو برخو کښې وقفې وقفې سره باران جاري دې، مري او ګيرچاپير نورو سيمو په غرونو د تيز باران سره سره واوره هم وريږي ۔
د خېبرپښتونخواه ملاکنډ او هزاره ډويژن کښې باران او په غرونو برفباري جاري ده چې ورسره يخنۍ موسم شدت کښې اضافه شويده ۔
ددې ترڅنګ پيښور، مردان، چارسده، نوښار، صوابۍ، کوهاټ، جنوبي او قبائيلي اضلاع کښې د باران او په غرونو د واورې وريدو سلسله جاري ده ۔
سرښار اسلام آباد، بلوچستان ،کشمير او ګلګت بلتستان کښې هم بارانونو او په غرونو د واورې وريدو لړۍ وقفې وقفې سره جاري ده، چې ورسره يخنۍ کښې نوره هم اضافه شويده ۔
اين پنځوستم شاهراه باندې زياتې واورې وريدو لوجې مختلفې پيښې رامخې ته شوي، چې پکښې اووه ويشت کسان ژوبل شويدي، شيلا باغ سره نيزدې يو شمير ګاډې خوئيدو لوجې يو بل سره جنګيدلي، چې پکښې دوه کسان پحق رسيدلي او نور اووۀ کسان ژوبل شويدي ۔
