د راتلونکي مالي کال لپاره د صوبه بلوچستان مالي بجټ نن وړاندې کيږي، د سرپلس بجټ ټوټل تخمينه يو کهرب، دوه سوه ارب روپې نه سيوا ښودلې شويده، ذرائع وائي چې صوبې ته د اين ايف سي مد کښې اووه سوه ديارلس ارب روپې ميلاويدو امکان دې ۔
تفصيلاتو مطابق راتلونکي مالي کال بلوچستان اسمبلې کښې نن بجټ پيش کيږي، د بجټ پيش کيدو نه وړاندې به صوبائي کابينه د بجټ دستاويز منظوري ورکوي ۔
سرچينو وئيلي دي چې د بلوچستان راتلونکي مالي کال لپاره د بجټ تخمينه يو کهرب، دوه سوه ارب روپې نه سيوا ښودلې شويدې ۔
د بجټ لپاره مکمل تيارې شويدې، او دې مرحله کښې ټول سټيک هولډرز سره صلاح مشوره شويده، راتلونکي صوبائي بجټ به شل ارب روپې سرپلس وي، سرکاري ملازمينو تنخواه لس فيصد او پنشن کښې اووه فيصد اضافې امکان دې ۔
بجټ دستاويزاتو مطابق صوبائي ترقياتي پروګرام لپاره دوه سوه ارب روپې او غيرترقياتي بجټ لپاره اته سوه ارب روپې نه سيوا مختص کړې شويدي ۔
صوبائي بجټ کښې د تعليم لپاره يو سل پنځه اويا ارب روپې او د صحت لپاره يوسل لس ارب روپې تجويز دي، امکان دې د اين ايف سي مد کښې صوبې ته اووه سوه ديارلس ارب روپې ميلاؤ شي ۔
