د ايشيا کپ ټي ټوينټي ټورنامنټ خوندور ميچونه يو اے اي کښې جاري دي، د ايونټ دريم ميچ کښې بنګله ديش په اووۀ وکټو هانګ کانګ ته شکست ورکړېدې، د هانګ کانګ يو سل څلور څلويښت رنز هدف بنګله ديش درې وکټو په زيان اتلسم اوور کښې پورا کړې او ميچ ئې ګټلې دې ۔
ابوظهبي کرټ ګراؤنډ کښې لوبيدلې د ايشيا کپ دريم ميچ کښې بنګله ديش ټاس ګټلې وو او اول ئې پخپله د فيلډنګ فيصله کړې وه ۔
هانګ کانګ مقرره اوورونو کښې اووه وکټو په زيان يو سل دري څلويښت رنز جوړ کړي وو، چې پکښې ټولو نه زيات نزاکت خان دوه څلويښت، ذيشان علي ديرش او ياصم مرتضیٰ اتۀ ويشت رنز باندې آؤت شوې وو ۔
بنګله ديش طرف نه تسکين احمد، تنظيم حسن ثاقب او رشاد حسين دوه، دوه وکټې په خپل نوم کړې وې ۔
د يو سل څلور څلويښت رنز هدف بنګله ديش اتلسم اوور کښې درې وکټو په زيان پورا کړې او ميچ ئې ګټلې دې ، د بنګله ديش کپتان ليتن داس ټولو نه زيات نهه پنځوس رنز جوړ کړي وو ۔
هانګ کانګ لخوا عتيق اقبال دوه او ايوش شکلا يو وکټ اخستې وه ، دبنګله ديش ليتن داس د ميچ بهترين لوبغاړې ګرځولې شويدې ۔
