پيښور کښې د وزيراعلیٰ علي امين ګنډاپور مشرۍ کښې غونډه شوې چې پکښې د يو شمير منصوبو منظوري ورکړې شوې چې پکښې د صوبې ټولو خلقو ته لائف انشورنس ورکول،سولرائزيشن پروګرام اجرا،هوم سټے ټورازم سکيم ، پيښور ډي آئي خان موټروے تعمير، تجارتي کوريډور جوړول او د ډيبټ منيجمنټ فنډ قائمول شامل دي،دا فليګ شپ منصوبه به تر دوه زره اووه ويشتم پورې مکمل کولې شي ۔
غونډه کښې صحت انصاف کارډ او لائف انشورنس سکيم پائيدار جوړؤلو لپاره به صوبائي حکومت د اسلامي تکافل انشورنس په نوم خپله کمپني جوړوي ۔
په دري سوه پنځه شپيته کلوميټره طويل موټروے د لارې به د خيبر پښتونخوا دولس ضلعې د پنجاب او بلوچستان سره هم ميلاووي ۔
غونډه کښې دا فيصله هم شوې چې يو سل شل کلوميټره اوږد د دوه سوه شل کے وي ټرانسميشن لائن به د سوات نه ترچارسدې پورې راوستل کيږي ۔
دي سره سره صوبائي حکومت به د پن بجلي ګهرو نه جوړه شوي بجلي مقامي صنعتونو ته په ارزان نرخونو ورکوي، د دې منصوبو نه به صوبائي حکومت ته سالانه څلور پنځوس اربه روپۍ آمدن ترلاسه کيږي ۔
غونډه کښې دا فيصله هم شوې چې د افغانستان او وسطي ايشيائي رياستونو سره تجارتي نظام د نور ښه کولو لپاره به په طورخم ټريډ کوريډور هم جوړولے شي ۔
د منصوبي په وړومبۍ مرحله کې به پنځه شپيته زره مستحق خاندانونو ته مفت سولر يونټس ورکولې شي ۔
