راٸټر هاوس،اکادمي ادبيات پاکستان اسلام آباد کښې د پښتو ادبي سوسائټي(رجسټرډ) لخوا د نامتو شاعر اديب او مترجم ښاغلي نورالاسلام سنګر درناوي کښې يوه درنه او خوندوره دستوره ترسره شويده ۔
دستوره د پشتو ادبي سوسائټۍ اسلام آباد چيئرمېن محترم سيد محمود احمد صدارت کښې شوې، په دې موقع د پښتو ادب وتلي شخصيات ښاغلي ادريس اثر، احمدزے، ډاکټر اقبال فنا، پروفېسر ډاکټر منظور مضطر اپريدے او طيب الله خان مشران مېلمانۀ وو ۔ او پروفېسر انعام الرحمان، او نګينه خان اعزازي مېلمانۀ وو ۔
تلاوت او نظامت د پشتو ادبي سوسائټۍ(رجسټرډ) اسلام آباد سېکرټري جنرل سردار يوسفزي ترسره کړو، محترم عبدالحميد زاهد،او محترم م ر شفق په ارمغان سنګر کليدي مقالې وړاندے کړے ۔
پروفېسر ډاکټر حنيف خليل په تفصيل سره د سنګر صاحب په ادبي خدماتو او د شاعرۍ په مختلفو اړخونو خبرې اوکړې ـ
ځوان او خوږ ژبي هنرمند عظيم وطنيار د نورالاسلام سنګر کلام په ترنم کښې وړاندے کړې ۔
په دې موقع محترم خورشيد ابن لبيد، ښاغلي طيب الله خان ته د عمرې نه په واپسۍ منظوم خراج تحسين وړاندے کړې چې پکښې د سنګر صاحب ستاٸېنه هم په غوره ډول شوې وه ۔
ښاغلي احساس خټک او حيات سواتى د ښاغلي سنګر فکرو فن ستاٸلو سره سره د پشتو ادبي سوساٸټۍ اسلام آباد په ادبي هلو ځلو هم رڼا اچولې وه ۔
آخر کښې د پښتو ادبي سوساٸټۍ اسلام آباد لخوا د مشرانو په لاسونو ښاغلي نور الاسلام سنګر ته د ادبي خدماتو اعتراف کښې اعزازي شيلډ ورکړې شو ۔
