د افغانستان سرښار کابل کښې د مسافرو بس اوړېدو سره پنځه ويشت مسافر پحق رسيدلي او نور اووه ويشت سخت ژوبل شوي دي ۔
کابل: د افغانستان بهرنو چارو وزارت وياند عبدالمتين قانع وينا ترمخه کابل کښې تيره شپه د مسافرو بس اوړيدلې دې، دغه بدقسمته بس کښې اتۀ پنځوس کسان سوارۀ وو ۔
عبدالمتين قانع اووئيل چې ټريفکي پيښه کښې پنځه ويشت کسان پحق رسيدلي او نور اووه ويشت سخت ژوبل شويدي، ژوبل کسان مختلفو هسپتالونو ته منتقل کړې شويدي ۔
د کورنو چارو وزارت وينا مخکښې اووئيل چې دغه پيښۀ د بس ډرائيور غلطۍ لوجې رامخې ته شوې، دغه بدقسمته بس د هيواد جنوبي صوبو هلمند او قندهار نه کابل په لور روان چې د پيښې ښکار شويدې ۔
هغۀ زياته کړې چې د پيښې فوري پس د ميدان او کابل هسپتالونو کښې ايمرجنسي نافذ کړې شوې او ژوبل کسانو دغه سيمو هسپتالونو ته رسولې شويدي ۔
عبدالمتين قانع زياته کړې چې روانې هفتې دوران د دوئمه افسوسناکه ټريفکي پيښه ده ، دې نه وړاندې هرات صوبه کښې هم يو مسافر بس د پيښې ښکار شوې وو چې پکښې نهه اوويا کسان پحق رسيدلي وو ۔
