د ورلډ ټيسټ چيمپيئن شپ فائنل ميچ کښې د آسټريليا ټول ټيم اولني اننګز کښې دوه سوه دولس رنز باندې آؤټ شوې، د جنوبي افريقه طرف نه رباده پينځه او مارکو جانسن درې وکټې اخستې دي، د آسټريليا بيو ويبسټر دوه اوويا او سټيون سمتھ شپږ شپيته رنز باندې آؤټ شويدي ۔
د انګلينډ لارډز کرکټ ګراؤنډ کښې جاري د ټيسټ چيمپيئن شپ فائنل اولنې ورځې لوبه ختميدو پورې جنوبي افريقه څلور وکټو په زيان دري څلويښت رنز جوړ کړې وو، جنوبي افريقې ته د آسټريليا اولني اننګز سکور پورا کولو لپاره د نور يو سل نهه شپيتۀ رنز ضرورت دې ۔
آسټريليا طرف نه مچل سټارک دوه، هيزل ووډ او پيټ کمنز يو، يو وکټ په خپل نوم کړې ده ، د جنوبي افريقه ريان ريکلټن په شپاړس، ايډن مارکرم صفر، ويان مولډر شپږ، ټرسټن سټبز په دوه رنز آؤټ شويدي ۔
دې نه وړاندې د ميچ په اولنې ورځ اولني اننګز کښې د آسټريليا ټول ټيم دوه سوه ،دولس رنز باندې آؤټ شوې ،د آسټريليا لخوا بيو ويبسټر دوه اوويا ،سټيون اسمتهه شپږ شپيته ، اليکس کيرے دري ويشت او مارنوس لبوشين اوولس رنز باندې آؤټ شويدي ۔
د جنوبي افريقه طرف نه کګيسو رباده پينځه او مارکو جانسن درې وکټې اخستې دي، فائنل ميچ کښې جنوبي افريقې ټاس ګټلې او اول ئې د فيلډنګ فيصله کړې وه ۔
