چيف آف ډيفنس فورسز فيلډ مارشل سيد عاصم منير وئيلي دي چې رياست پاکستان او رياست طيبه يوبل سره ژور تعلق لري، الله تعالیٰ په ټولو اسلامي هيوادونو کښې د حرمين الشرفين د محافظينو شرف پاکستان له ورکړې،اسلامي رياست کښې د رياست نه علاوه څوک هم د جهاد حکم نشي ورکولې، مونږ خپل دښمن په پټه نه بلکه ښۀ په ښکاره وژنو ۔
اسلام آباد کښې د قامي علما کنونشن ته خطاب کښې چيف آف ډيفنس فورسز سيد عاصم منير اووئيل چې رياست طيبه او رياست پاکستان يو بل سره ژور تعلق لري، الله تعالیٰ په ټولو اسلامي ملکونو کښې د حرمين الشرفين د محافظينو شرف پاکستان له ورکړېدې، سعودي عرب سره تاريخي دفاعي معاهده شوېده ۔
هغه اووئيل چې کوم قام علم او قلم پريښودې، دغلته کښې انتشار او فساد ځائې نيولې دې، عزت او طاقت تقسيم سره نه، محنت او علم سره ترلاسه کيږي ۔
چيف آف ډيفنس فورسز اووئيل چې ترهه ګري د پاکستان نه بهارت وتيره ده، مونږ دښمن په پټه نه، ښۀ په ښکاره وژنو، معرکه حق کښې د الله پاک مدد سره کاميابي ميلاؤ شوېده ۔
هغه مخکښې وئيلي چې اسلامي رياست کښې د رياست نه علاوه څوک هم د جهاد حکم نشي ورکولې، علما دې قام متحد ساتي او د قام په سترګو کښې دې وسعت پيدا کړي، په آخره کښې سي ډي ايف فيلډ مارشل عاصم منير د پاکستان هميشه زنده باد نعره هم اووهله ۔
