فيلډ مارشل سيد عاصم منير واضحه کړې چې اوبۀ د پاکستان ريډ لائن دې، د څليريشت کروړ پاکستانيانو دې بنيادي حق باندې به هيڅ سمجهوته نۀ کيږي، معرکه حق د دې خبرې ثبوت دې چې ټول قام يو فولادي ديوال جوړ شي نو بيا ورله د دنيا يو طاقت هم شکست نشي ورکولې، کشمير باندې پاکستان چرې هم سودا نشي، هندوستان دې په کولاؤ غوږونو واوري چې پاکستان چرې هم دکشمير کاز نشي پريښودې ۔
آئي ايس پي آر طرف نه جاري شوې بيان کښې وئيلي شوي چې فيلډ مارشل سيد عاصم منير د ملک مختلفو يونيورسټووائس چانسلرز، پروفيسرز او سينئر استاذانو سره خبري کړي او واضحه کړې ده چې اوبۀ د پاکستان د څليريشت کروړ خلقو بنيادي حق او ريډ لائن دې ۔
فيلډ مارشل اووئيل چې پاکستان به د هندوستان اجاره داري چرې هم قبول نکړي، بحارت څو لسيزو راهسې د کشمير مسئله دباؤلو کوششونه کړي خو هميشه ناکامه شويدې، اوس دا نوره ممکن نۀ ده ۔
هغه اووئيل چې ترهه ګر د هندوستان کورنۍ مسئله ده داو د دې بنيادي وجه بهارت کښې اقليتونو باندې ظلمونه کول ،د هغوي استحصال او تعصب کول دي ،ولې کشمير يو نړيواله سطحې مسئله ده، پاکستان کشمير چرې هم نشي پريښودې، بهارت دې په کولاؤ غوږونو واوري ۔
د فيلډ مارشل وينا وه چې پاکستان نه يو داسې مضبوط رياست جوړول دي چرته چې ټولې ادارې د آئين او قانون مطابق کار کوي، بغير د څه سياسي دباؤ او فائدې د اولس د ښيګړې کارونه کيږي، او چې څوک هم د رياست د کمزورې کيدو خبرې کوي د هغوي نفي اوکړې شي ۔
