د مختلفو سياسي ګوندونو مشرانو د خيبر پښتونخؤا حکومت لخوا رابللې شوې آل پارټيز کانفرنس کښې شرکت نه انکار کړې او وئيلي دي چې صوبائي حکومت دصوبې مسئلو حل کولو کښيې سنجيده نۀ دې نو دې لپاره اے پي سي کښي ګډون هيڅ جواز نۀ لري ۔
پيښور: دپاکستان پيپلز پارټې خيبر پښتونخوا صدر محمد علي شاه باچا وئيلي دي چې صوبه کښي غير سنجيده حکومت دې، د دې لوجې خيبر پښتونخوا کښې امن وامان غير يقيني صورتحال خپل کړې دې ۔
د جمعيت علماء اسلام خيبر پښتونخوا مشرانو مشرانو هم د صوبائي حکومت آل پارټيز کانفرنس کښې ګډون کولو نه معذرت کړې دې ۔
د عوامي نيشنل پارټۍ له اړخه هم د وزير اعلیٰ له اړخه رابللې شوې آل پارټيز کانفرنس کښې ګډون نۀ کولو فيصله کړي ده ۔
دعوامي نيشنل پارټۍ خېبر پښتونخوا صدر افتخار حسين وئيلي دي که چرې صوبائي حکومت د پارټۍ په حيث هغوي ته بلنه ورکوي نو بيا به آل پارټيز کانفرنس کښي ضرور ګډون کوؤ ۔
بلخوا د پاکستان مسلم ليګ ن خېبر پښتونخوا ايډيشنل سيکرټري ارباب خضر حيات وئيلي دي چې ن ليګ هم اے پي سي کښي شرکت نۀ کوي ۔
بلخوا قومي وطن پارټۍ د صوبائي حکومت په اے پي سي کښې د شرکت فيصله خړي او دې لړ کښې به دهاشم بابر په مشرۍ کښې د پارټۍ وفد اے پي سي کښې شرکت کوي ۔
