د بره جنوبي وزيرستان په لدها سيمه کښې د ډپټي کمشنر په قافلے نامعلومه وسله والو ډزې کړې، پوليس مطابق ډزو په نتيجه کښې محرر اعجاز محسود او پوليس کانسټيبل ګل نواز ژوبل شوي، ولې ډپټي کمشنر عصمت الله وزير حمله کښې محفوظ پاتې شوې ۔
اپر جنوبي وزيرستان: پوليس ترمخه د ډپټي کمشنر عصمت الله وزير قافله لدها علاقه کښې مکين ته روانه وه چې اډانه حبيب کوټ سره نيزدې نامعلومه وسله ولو په قافلے ډزې اوکړې ۔
پوليس وئيلي چې د ډزو په نتيجه کښې دوه کسان ژوبل شويدي، ژوبل کسانو کښې محرر اعجاز محسود او پوليس کانسټيبل ګل نواز شامل دي، څوک چې هسپتال ته منتقل کړې شويدي ۔
پوليس وائي چې حمله کښې ډپټي کمشنر عصمت الله وزير محفوظ پاتې شوېدې، ډپټي کمشنر عصمت الله او عملې نور کسان محفوظ ځائې ته رسولي شويدي ۔
پوليس زياتوي چې حمله کونکي په تيښته کښې بريالي شوي، سيکيورټي فورسز پيښې وروستو دغه علاقه په ولقه کښې اخستې او د وسله والو خلاف ئې لټوني عمليات پيل کړيدي ۔
