درې ملکي ټي ټوئنټي سيريز څلورم ميچ کښې افغانستان اتلس رنز سره پاکستاني ټيم ته ماتې ورکړې، د افغانستان د يوسل اوويا رنز هدف تعاقب کښې د پاکستان ټيم يوسل يو پنځوس رنز جوړ کړي او ميچ ئې بيللې دې ۔
شارجه کښي لوبيدلې د درې ملکي ټي ټوئنټي سيريز څلورم ميچ کښې افغانستان ټيم ټاس ګټلو وروستو وړومبې بيټنګ کولو فيصله کړې وه ۔
افغانستان مقرره شل اورونو کښې پينځه وکټو په زيان يوسل نهه شپيته رنز جوړ کړي وو، چې پکښې ټولو نه زيات صديق الله څلور شپيتۀ او ابراهيم زدران پينځه شپيتۀ رنز باندې آؤټ شوي وو ۔
پاکستان طرفه نه فهيم اشرف شاندار باؤلنګ کړې وو او څلور وکټې ئې په خپل نوم کړې وې، صائم ايوب يو وکټ ترلاسه کړې وه ۔
مقرره هدف په جواب کښې د پاکستان ټيم مقرره اوورونو کښې نهه وکټو په زيان يوسل يو پنځوس رنز جوړ کړې او په اتلس رنز ئې ميچ بيللې دې ۔
حارث رؤف ټولو نه زيات څلور ديرش رنز سره ناټ آؤټ پاتې شوې وو، صاحبزاده فرحان اتلس، فخر زمان پينځه ويشت، سلمان علي آغا شل او محمد نواز دولس رنز جوړ کړي وو ۔
د افغانستان لطرفه فضل حق فاروقي، راشد خان، محمد نبي او نور محمد دوه، دوه وکټې ترلاسه کړې، ابراهيم زدران شاندار بيټنګ باندې د ميچ بهترين لوبغاړې ګرحولې شويدې ۔
