پبلک اکاؤنټس کميټې اجلاس ته بريفنګ کښې چيئرمين اين ډي ايم اے وئيلي دي چې دوه سوه ملي ميټره باران اوشي نو يو آفت جوړ شي، د بارانونو په موسم کښې دوه، درې هفتو پورې په سياحت پابندي پکار دې ۔
اسلام آباد: د چيئرمين جنيد اکبر مشرۍ کښې د پبلک اکاؤنټس کميټۍ اجلاس شوې، اجلاس ته د نيشنل ډيزاسټر مينجمنټ اتهارټي چيئرمين ليفټيننټ جنرل انعام حيدر بريفنګ ورکړېدې ۔
چيئرمين ايج ډي ايم اے خپل بريفنګ کښې اووئيل چې چين سره داسې ټيکنالوجي شته کومه چې دولس مياشتي مخکښې ډيزاسټر ښائي، او مونږ هم ډيزاسټر په حواله دغه شان سسټم جوړ کړېدې ۔
هغه اووئيل چې موسمياتي تبديلې دې د قامي سلامتيا په توګه اوکتلي شي، بده مرغه زمونږ آبادي تيزۍ سره سيوا کيږي، که دغه شان آبادي سيوا شوه نو کال دوه زره پينځوستم پورې به د آبادۍ په لحاظ دريم لوئي ملک جوړ شو ۔
په دې موقع چيئرمين پي اے سي جنيد اکبر پښتنه کړې چې د اين ډي ايم اے تياريانو نه خو ښکاري چې مړي څنګه روايستلې شي، سړکونه څنګه جوړولي شي ۔
جنيد اکبر اووئيل چې اين ډي ايم اے دې زمونږ رهنمائي اوکړي چې ځان څنګه بچ کولې شو، د دې څه تياري ده، د چا چې کور تباه شوېدې هغه ته اوړه او خيمے ميلاويدو سره څه کيږي؟
