د خېبرپښتونخوا مختلفو علاقو کښې بيګا د شپې طوفاني بارانونو دوران مختلفو پېښو کښې نور نهه کسان پحق رسيدلي، پنځوس نه زيات ژوبل شوي ۔
د خېبرپښتونخوا ريسکيو چارواکو وينا مطابق ډيره اسماعيل خان، لکي مروت، ټانک، جنوبي وزيرستا، کلاچي،مردان، شانګله، سوات، دير(اپر،لوئر) اور نورو سيمو کښې د شپې طوفاني بارانونه وريدلي او دې دوران مختلفې پيښې هم رامخې ته شويدي ۔
ريسکيو چارواکو وئيلي چې ډي آئي خان کښې تيز باران دوران مختلفې پيښې رامخې ته شوي چې پکښې اتۀ کسان پحق رسيدلي او څلويښت نه زيات ژوبل شويدي ۔
بلخوا مردان کښې د تيز باران دوران د يو کچه کور چهت پريوتو پيښه کښې يو کس پحق رسيدلې دوه نور کسان سخت ژوبل شوي دي ۔
ډي آئي خان او خواؤشا نورو سيمو کښې طوفاني بارانونو دوران د بجلۍ نظام هم ګډ وډ شوې، او بعضې ځايونو کښې د کورونو چهتونو د پاسه نصب کړې شوي سولر پينلز هم اولوزيدلي دي ۔
لکي مروت کښې م تيز بارانونه شوي او مختلف علاقو کښې باراني اوبۀ کورونو کښې داخل شويدي، سرائے نورنګ کښې باراني اوبه يو کور کښې داخليدو لوجې د کور دوه ديوالونه هم راپريوتي دي او کور کښې ګير شوي لس کسان ريسکيو کړې شويدي ۔
