بنو کښې د وادۀ دستورې دوران ډزو پيښه کښې درې کسان پحق رسيدلي او اتۀ ژوبل شويدي، پوليس ترمخه نار جعفر سيمه کښې د موسيقۍ د پروګرام دوران دوه ډلو ترمينځ جهګړه او ډزې شوي، پوليس د پيښې پلټنې شروع کړيدي ۔
پوليسو مطابق د بنو علاقه نار جعفر کښې د وادۀ دستوره کښې د موسيقۍ پروګرام جاري وو ، د ډي جے په ميوزک خواجه سرا ډانس کولو ، دې دوران خواجه سرا ته لاس اچولو باندې د دوه ډلو ترمينځ جهګړه شروع شوه او په يو بل ئې ډزې کړيدي ۔
پوليس وئيلي چې دواړه ډلو سره وسله وه ، په يوبل ئې ډزې شروع کړي دکوم په نتيجه کښې چې درې کسان پحق رسيدلي او اتۀ ژوبل شوي دي ۔
پوليس مخکښې وئيلي چې ژوبل کسان هسپتال ته منتقل شوي ، د درې کسانو حالت پکښې مرګونې ښودلې کيږي ۔
