ایران کښې د افغانستان دګاونډي هېوادونو او سیمې ملکونو د خصوصي نمائندګانو غونډه ترسره شوې ،د غونډې په اختتام جاري شوې اعلامیه کښې د شريک ملکونواستازو افغانستان او پاکستان ترمينځ دکړکېچ کمولولپاره د ټولو هڅو مکمل ملاتړ اعلان کړېدې، دغونډې ګډونوالو د دواړو ملکونو څخه خواست کړې چې بیرته د خبرو اترو لار خپله کړي او خپل مينځي شخړې د سفارتي لارو چارو هوارې کړي ۔
تهران: د ايران سرکاري خبري ادارے په رپورټ کښې وئيلي شوي چې په دې غونډه کښې د پاکستان، روس ،ازبکستان، چین، تاجکستان او ترکمنستان نمائندګان خصوصي ګډون کړېدې ۔
غونډې ته خپل افتتاحي خطاب کښي د ایران خارجه وزیر عباس عراقچي په دې خبره زور راوړې چې ایران د افغانستان د يوې اوږدې مودې ګاونډي او د دې هېواد ملګري په توګه هميشه په سیمه کښې د افغانستان دجامع انضمام په اهميت زور راوړې دې ۔
عباس عراقچي اووئیل چي دا غونډه په سیمه کښې د یوې مهمې موضوع په حقله په اول ځل اوپه دې سطح دسیمې ملکونو ترمينځ د خبرو اترو او نظر تبادلې لپاره ترسره شوې ۔
وروستو په شريکه اعلامیه کښې ټولو هیوادونو په افغانستان کښې د استحکام په پياوړتيا زور راوړو او وئيلي شوي کۀ چرې افغان اړخ د ملاتړ غوښتنه اوکړي نو دې هدف ترلاسه کولو کښې ټول د مرستې لپاره تيار دې ۔
دغونډي ګډونوالو افغانستان کښې د امنیت په صورتحال اندیښنې څرګند کړي او د ترهه ګرۍ، مخادره موادو سمګلنګ او د هيومن ټريفکنګ سره دمقابلي په حواله افغانستان سره دهمکارۍ لپاره ئې د خپلې آمادګۍ اظهار کړيدې ۔
د غونډې ګډونوالو د افغانستان او پاکستان ترمينځ د کړکېچ کمولو لپاره د ټولو هڅو ملاتړ اعلان کړې، او له دواړو ملکونو څخه ئې خواست کړې چې بیرته خبرو اترو ته راشي او خپلې شخړې دسفارتي لارو حل کړي ۔
