صدر مملکت آصف علی زرداری، وزيراعظم شهباز شريف او ګورنر خېبرپښتونخوا فيصل کريم کنډي پشمول د نورو سياسي او مذهبي جماعتونو مشرانو پښتونخوا کښې بارانونو او سېلابونو کښې د قیمتی انساني ځانونو د ضیاع په اړه ژور غم او افسوس څرګند کړې او وئيلي دي چې متاثره سيمو کښې دې زر تر زره امدادي کارونه شروع کړې شي ۔
اسلام آباد: صدر آصف زرداری د ملک په مختلفو سیمو کښې د باران او سيلاب لوجې د شوي ځانې زیانونو په اړه د متاثره کورنیو سره خواخوږۍ څرګندونه کړې ده ۔
هغه متعلقه ادارو ته د امدادي کارونو د تيزولو هدایات کړي او وئيلي دي چې د متاثره کسانو د مرستې او بحالۍ لپاره هر ممکن ګامونه پورته کړې شي او ژوبل شوي تنانو ته دې معیاري طبي سهولتونه ورکړل شي ۔
بلخوا وزيراعظم شهباز شريف او ګورنر فيصل کريم کنډي پشمول د نورو سياسي او مذهبي جامعتونو مشرانو هم پښتونخوا کښې باران او سيلاب له امله په شوې انساني زيان د افسوس اظهار کړې دې ۔
دوي وئيلي دي چې متاثره خاندانونو سره د هغوي په غم کښې شريک يو ، وزيراعظم حکم ورکړې چې متاثره تنانو دې په فوري توګه امدادي مرستې اوکړې شي ۔
