پاکستان بورکونسل او سپريم کورټ بار ايسوسي ايشن هم د وفاقي آئيني عدالت جوړولو د حمايت اعلان کړېدې، مشترکه اعلاميه کښې وئيلي شوي چې بعضي سياسي جماعتونه قانوني کميونټي کښي تقسيم پيدا کولو کوششونه کوي، د دغه عناصر بيانونو لوجې جمهوري نظام ته نقصان رسيږي، د پاکستان بار کونسل او سپريم کورټ بار مشترکه اعلاميه کښې د دغه خلقو د متنازعه بيانونو سخت مذمت هم شويدې ۔
اسلام آباد: د سينئر وکيلانو دوه لوئې تنظيمونو پاکستان بار کونسل او سپريم کورټ بار ايسوسي ايشن مشترکه اعلاميه کښې د وفاقي آئيني عدالت د قيام حمايت شويدې ۔
مشترکه اعلاميه کښې د وفاقي آئيني عدالت خالفت کونکو خلقو د بيانونو سخت مذمت شوې، وکلا برادرۍ وئيلي چې ډېر زري به د جمهوري نظام خلاف بيانونو ورکونکي او هلې ځلې کونکو کوششونه ناکامه شي ۔
اعلاميې ترمخه انفرادي يا اقليتي بيانات د وکلا برادرۍ نمائندګي نۀ کوي، دغه عناصر د ملک جمهوري نظام ته د بيانونو په ذريعه نقصان رسول غواړي ۔
سينيئر وکيلانو خپله مشترکه اعلاميه کښې دا هم وئيلي چې قانوني برادري د قانون بالادستۍ او د ملکي آئين پاسدارۍ لپاره کلک ولاړه ده ، او مونږ د اووۀ ويشتم آئيني ترميم حمايت اعلان هم کوؤ ۔
اعلاميه کښې دا هم وئيلي شوي چې اووۀ ويشتم آئيني ترميم سره به صوبو مساوي نمائندګۍ سره سره آئيني او سياسي معاملاتو سماعت هم ممکن شي ، او دا چې وکلا برادري د ججز تعيناتي او د دغه تراميم لاندې اقداماتو باندې نظر ساتي ۔
