د کرم ضلعي انتظاميې وئيلي دي چې کرمه کښې د ګاډو په قافله باندې د ترهه ګرو حمله کښې د مړو کسانو شميره اووه ته رسيدلې، او د سيکيورټي فورسز په ډزو دوه حمله کونکي هم وژلي شويدي ۔
ضلعي انتظاميې خپل يو بيان کښې وئيلي چې پيښۀ کښې پنځه ډرائيورانو پشمول شل کسان ژوبل شوي، د چا علاج چې هسپتالونو کښې جاري دې ۔
بلخوا د کرمې ضلعې تاجر رهنما نذير احمد وئيلي چې قافله کښې شامل پنځه ديرش ټرکونه لوټلي شوي، او نورلس نور سوزولې شويدي ۔
تاجرانو وئيلي دي چې د اربونو روپو نقصان شوې، د کوهاټ امن معاہدې باوجود د سرکار په نګرانۍ کښې درې قافلې په نښه کړې شويدي ۔
بلخوا پوليس وئيلي چې قافلې باندې د حملې نه پس دترهه ګرو په ټهکانو ګن شپ هيلي کاپټرو شيلنګ هم کړېدې ۔
