په ايران د امريکې حملې او منطقه کښې د بدليدونکي صورتحال په حواله د وزيراعظم شهبازشريف مشرۍ کښې د قامي سلامتيا کميټۍ اهم اجلاس شويدي، غونډه کښې د ايران اسرائيل جنګ وروستو د منطقې په موجوده صورتحال غور شوې،اجلاس کښې د ملک اندروني او بهرني سيکيورټي جاج هم اخستې شوي ،اين ايس سي اسرائيل جارحانه کاروائيانو سخت مذمت کړې او د افسوس اظهار ئې هم کړې،غونډه کښې وئيلي شوي چې فوجي حملې ايران او امريکې ترمينځ تعميري مذاکراتي عمل ته نقصان رسولې، د لاپرواهۍ کاروائيانو کشيدګي نوره هم زياته کړې ده ۔
اسلام آباد: د وزيراعظم هاوس نه جاري شوې اعلاميه کښې وئيلي شوي دي چې شهبازشريف په مشرۍ کښې د قامي سلامتيا کميټۍ مهم اجلاس ترسره شوې،چي پکښې د منطقې په موجوده صورتحال او ايران خلاف اسرائيلي جارحيت وروستو علاقائي صورتحال باندې تفصيلي غور شوې دې ۔
اعلاميې ترمخه اين ايس سي د اسرائيلي جارحانه کاروائيانو سخت مذمت کړې، او د افسوس اظهار ئې هم کړې،د امريکې او اسرائيل فوجي حملې ايران او امريکې ترمينځ تعميري مذاکراتي عمل ته لوئې زيان رسولې دې ۔
د غونډې اعلاميه کښې وئيلي شوي چې دغه حملو سره منطقه کښې لويه تنازعه جوړه شوې او خبرو اترو او سفارت کارۍ مواقع کمې شويدي، اين سي سي ايران ته خپل دفاع حق توثيق هم کړې او وئيلي دي چې دغه حملې د اقوام متحده چارټر او بين الاقوامي ايټمي توانائي ايجنسي قراردادونو او نور نړيوال قوانين هم خلاف ورزي ده ۔
اعلاميې مطابق کميټۍ د بے ګناه خلقو په شهادت ايران حکومت او اولس سره تعزيت هم کړې او زخميانو ته صحت يابۍ لپاره ئې دعاګانې هم کړېدي ۔
اعلاميه کښې مخکښې وئيلي شوي چې فريقين سره پاکستان رابطه کښې دې او علاقائي امن او استحکام ته وده ورکولو لپاره به پاکستان خپل کوششونه جاري ساتي ۔
اين ايس سي اجلاس اعلاميې ترمخه د اجلاس ګډونوالو ټول متعلقه فريقينو او اقوام متحده چارټر مطابق مذاکرات او سفارت کارۍ په ذريعے جنګ ختمولو مطالبه هم کړې ده ۔
کميټۍ بين الاقوامي انساني حقوق او انساني قوانين پاسدارۍ ضرورت باندې زور راوړې دې ۔
