وزيراعظم شهبازشريف د پاکستان اوبۀ اودرولو په معامله څلور واړو صوبو سره په شريکه فيصله کولواعلان کړې،وئيلي دي چې د خېبر پښتونخوا په حواله جرګه کښې شرکت زما لپاره د اعزاز خبره ده، خېبر پښتونخوا يوعظيمه صوبه ده ،خلق ئې غيرتي او بهادردي، ترهه ګرۍ خلاف جنګ کښې ئې ډير قربانۍ ورکړې او ټول قام ئې ستائي، وزيراعظم دا هم وئيلي چې اين ايف سي ايوارډ په معامله به د کميټي جوړولې شي او په شريکه به فيصله کولې شي ۔
پيښور کښې د خېبر پښتونخوا په حواله لويه جرګه شوې چې پکښې وزيراعظم شهبازشريف، فيلډ مارشل سيد عاصم منير ،قبائلي مشرانو او د مختلفو سياسي جماعتونو مشرانو ګنړ شمير کښې شرکت کړېدې ۔
ګرينډ جرګې ته وينا کښې وزيراعظم شهبازشريف وئيلي دي چې جرګه کښې شرکت زما لپاره د اعزاز خبره ده ،خېبرپښتونخوا يوعظيمه صوبه ده ،د خېبرپښتونخوا خلقو ترهه ګرۍ خلاف جنګ کښې بے شميره قربانۍ ورکړي ،د دوي دغه قربانۍ به چرې هم هيرې نشي ،د فرنټ لائن کردار ئې ادا کړېدې ۔
وزيراعظم اووئيل چې کله هم تاريخ ليکلې کيږي د پښتونخوا قربانۍ به هميشه ځليږي، د خېبرپښتونخوا خلقو د کال نورلس سوه اووه څلويښتم ريفرنډم کښې پاکستان سره يو ځائې کيدو نعره وهلې وه ۔
وزيراعظم اووئيل چې د اوبو يوه يوه قطره د پاکستان حق دې ،په دې موقع وزيراعظم د پاکستان اوبۀ اودرولو په معامله څلور واړو صوبو ته په شريکه فيصله کولو اعلان هم کړېدې ۔
وزيراعظم اووئيل چې اين ايف سي ايوارډ په معامله ډير زر د کابينې خصوصې غونډه رابللې شي ،د قبائلي مشرانو په مشورو به يو ځائې کښېنو او فيصلې به کولې شي ۔
د وزيراعظم وينا وه چې فنډ په معامله به کميټي جوړولې شي او په شريکه به ټولې مسئلې حل کولې شي ،د ترهه ګرۍ خاتمې پورې به د فنډز فراهمي جاري ساتلي شي ۔
وزيراعظم شهبازشريف اووئيل چې د خېبرپښتونخوا خلقو هميشه د ملک بيرغ اوچت ساتلې ،بهارت خلاف جنګ کښې پښتونخوا پشمول د ټول ملک خلقو د وطن بهرپور ملګرتيا کړې ۔
وزيراعظم اووئيل چې د پاکستان جوابي کاروائي به بهارت هميشه ياد ساتي ،بهارت پاکستان کښې بے ګناه پاکستانيان په نښۀ کړي وو ۔
وزيراعظم مخکښې اووئيل چې پاک افواج چې بهارت ته کوم سبق ښودلې، دا به قيامت پورې ياد ساتي ،د ټول ملک خلقو بهارت خلاف جنګ کښې د پاکستان افواج لپاره دعاګانې کړي ۔
